其實近期我幾唔想去望住股市，債市，基本上我去到盡量刻意唔睇
大家可能即刻有一個想法"唔通啊壽輸爆倉？"
其實無，但係近期好希望培養一個習慣，同股市/債市遠離一點，報紙等財經資訊依舊會繼續睇，但係好希望可以騰出點時間嘗試其他事
啊壽有轉念思想源自近期迷上一本書《生命的槓桿》，當中提及到貨幣（Currency）概念其實都會觸動到我，好多一看到貨幣（Currency） 腦內會立刻聯想到，貨幣，貴金屬（eg 黃金），但人往往最容易忽視的
正正是自己投入的時間
時間在人生裡面屬於一個獨特，無可取代的貨幣，但人往往最容易放棄的正正這種無可取代的貨幣。
當你有時間，你可能打機，看電視，上網，你好容易失去重心，忘記自己需要做的事情。
你投入的時間正正是對方遊戲商，電視製作人賺取你的貨幣，投入越多，對方賺取越多，如：你遊戲中看到的的廣告，賺取的道具，電視節目出現的廣告，同樣消費緊你的時間。
現代社會工作精神~~~真係可以做L死人
特別係日本，基本上返工加班屬於常態，如果你唔加班，部分同事可能覺得你異類，點解唔加班？！
社會正正教育大家，努力工作換取薪水，加班代表你對公司賣力，忠誠。求的希望得到上司提拔，但其實公司正在用薪水購買你的時間。如大家想了解日本加班文化，可以睇下呢套日劇
講述日本加班文化日劇
基本到你退休之時，你所餘下的是時間已經不多，而且你對公司的價值亦越來越小，到你找到你想做的事，基本上時間已經所餘無幾。
此刻想做的事
其實我稍稍離開股市，同時因為之前需要上網頁設計課程交功課，這兩個舉動基本上都已經讓我可以稍微想清楚此刻我真正想做的事情。
- 自家網站設計- 基本上已經去到尾聲階段，差不多有小許執修就可以lanuch
- 學習NFT- 其實好多人都有講，甚至近期 試當真都有打算推出NFT , 當然啊壽見到拒地的Live 有好多意見，更甚的會有人離開Channel ，先不講對方project 會否成功，但其實我自己會open mind 嘗試一下，都係個句 "睇波不賭波，睇來幹什麼" 會唔會成功？ 我鬼之咩，但係我已經話左圖 （哈哈抽下水先， 唔會係cap圖）
我都好希望藉此，認識一下，雖然講唔上專業，係我認為係靚既，我希望夠錢出到一件/多件Tee 比到支持我的朋友，講虛構變成真實。
唔知我會唔會係第一個blogger 發展NFT 呢？ 我知道需要大量marketing ,但我會抱著嘗試，虛心學習心態去踏出第一步。
我會唔會唔再寫blog?
呢刻，我仍然會繼續，因為寫文除了分享自己看到的事情外，啊壽亦在開blog中認識到大家，同時我個人認為寫blog 可以將我釐清整個思維，我亦希望可以講我見到，學到的同大家分享，啊壽認為今時今日大家最需要的就係共勉，前行。
上述文章亦刊登在《StockViva》
留言
張貼留言
謝謝支持
記得支持一下啊壽的投資星球的廣告 及
Follow 啊壽個Blog 以便收到啊壽最新訊息