2023年首季表現：
槓桿上的控制：
自己不厭其煩，都想講一下，其實自己一直控制自己槓桿比率盡量在1.2內，盡量不希望超過這個比例，收到利息先會再買入，而目前組合每個月大概派到約$15,000 ， 自己當然期望今年可以加派到每個月$20,000 ，當自己不會為加大派息而不理會風險，瘋狂加大槓桿，畢竟自己都不想做投資做到雞手鴨腳，自己計好數，set一個再差的環境下的買入價（當然這個方向都係為自己投資上有更多buffer）set 定入貨金額就放手。
自己選股/債取態：
其實問過認識我的blog友，原來好多人認識啊壽原來都係來自當初一篇文（我自己野意想不到）其實自己寫得都一般般，可能大家都見到我呢條友竟然甘大膽乜都寫出黎咪睇下你條友寫咩。
啊壽癡線文
其實而家睇到都嚇一跳點解當初自己甘勇猛，但之後自己都轉方向買翻債券及股票多，畢竟自己知道轉型需要花多一點時間去了解當中公司營運及派息可能性。其實唔講大家應該都意識不到，其實中間啊壽轉ETD到債券，之後目前再由債券轉到可派息股票，因為自己特別在疫情這三年經歷過這兩個轉變，源於真切的覺得疫情後經濟回來時候的確可以放膽一點投入在股票上，當然自己都期望可以受惠到這段升幅，但的確並不能否太冒進，因此債券及ETD已經漸漸減到12.5%，反而專注在疫情復甦公司上。
嘗試利用數據及統計去輔佐自己投資決定：
其實呢個方法基本上都非常公開亦並非什麼隱藏秘密，但感覺上大家都覺得呢種方法好流應該就放棄，但啊壽自己覺得會有一定的參考作用，唔講太多經，其實啊壽自己整左個Lohas chart ,而數據採自Google finance ，可以自己設定檢視年期。
圖示如下：
當然自己都會用DDM / DCF (Dividend Discount Model/ Discount Cash Flow model) 去計算一個合理價錢當然目前會要求會再嚴謹一點。
圖示如下：
目前持有頭三大股票
啊壽都好明白，10個有9個都係睇標題，2秒就會將滑鼠拉倒最後睇下寫手會有咩推介/八卦究竟有無寫手持有什麼股票。
其實啊壽派息組合頭四大持股，其實都應該估唔到...........
基本上頭三大都係港股受惠於中信電訊（1883.hk) 業績帶動，中信電訊其實當時都未佔據到整個組合第一，未到業績之前1883 只係去到第五至第六左右，但業績後，1883已經上升到第一（其實自己計到大概$3.14，都有人PM 你會唔會沽出獲利先，真心我無第二隻，如果沽出後目前真係未有其他目標投入）升上持股第一其實都有點意外，因爲自己最預期係ENS and ENB 即係（Enbridge.inc 加拿大管道公司)但之後沽出亞洲衛星（1045.hk) ，轉投新創建（659.hk) ，因爲自己睇埋新創建業績，當中最值得注意就係公路業務，而其他業務都表現不錯，因此自己會傾向通關及疫情復甦後會有一定改善，因此都會將之前升左/或表現差的債券沽出，特別三月，自己都有買入UK Asset Management 公司， 就整整在瑞信，First republic 出現經營問題買入（唔係想將自己神化，我未去到可以撈底買入） 但自己覺得而家唔買又唔知道幾時，所以都係先買入再觀察。
後記：
開始啊壽的投資星球，最主要都係希望能夠認識同好，而自己無論在投資技巧，用戶體驗（包括：圖像及網站設計） 以至到Patreon財務分析，都期望有一個新嘗試及不斷的改善。
啊壽的投資星球主網站：
支持啊壽(Buy me a coffee with gift)：
啊壽的財務報告：
留言
張貼留言
謝謝支持
記得支持一下啊壽的投資星球的廣告 及
Follow 啊壽個Blog 以便收到啊壽最新訊息