港股是否已經去到沒有價值，啊壽在港股的比例

 

其實最近谷友都會提到或勸告啊壽，咪買港股啦，投資陷阱，長遠只有跌，要買都買美股雖然近期有調整但起碼有得升。

然而，目前啊壽投資比例上在港股中仍然偏低（看下圖），因此都會想增大港股比例，尤其港股目前真的去到，人人唾棄階段，就算身邊親朋都小提及投資港股，而且真心講都已經小聽有人係港股大賺的故事。相對以前，常聽見$1x 買騰訊，持有到幾百蚊沽出，目前真係絕跡。

（截止22/9/2023）

就算以前基金界出名的首域中國增長基金（已改名：首域盈信中國增長基金）表現亦沒有重前般風光：

（首域盈信中國增長基金持股 截止31/8/2023）

再觀看一隻C基金，更加是萬里長空之境，跌穿發行價

（按每月基金報告 截止8/2023）

其實眼見呢段時間港股真係霉到發臭的時候，相反會吸引啊壽重新睇港股，當然本身已有持股的目前股價仍然未有太大波幅下沒有特別一個加注的理由。

但最近啊壽留意到一隻都比較有爭議性的港股-領展（0823.hk）

呢個時候你就會問，你都講到港股甘差，你仲叫我去買領展，當然啊壽並非領展專家，大家當然可以去睇Link仔自己都只係用DDM計算一下當中價值，當然目前仍然未入Range , 但最重要的是大家可以嘗試逆向思維想一下，之前供股最重要的目標用於還錢，但最重要的是期望可以“斬定柴” 到寒冬時候可以有資本併購。

啊壽自己則在$37 買入先，啊壽通常都係直覺買入後再跟進，畢竟買入後跟進會比起無貨研究更上心，目前其實都只係FF 緊管理層並非垃圾，當租務市場回復及利率市場有利領展後，出現turn around 情況。

啊壽並不會長期持有，但目前價格按最新一次派息仍有7%股息率，因此收住股息博回復價值，啊壽自覺會舒服D，當然到目前仍有好多人提及王國龍又叫人供股，自己又賣股，的確行為難看，但呢D消息，你係投資市場都見得多，之後升左又會有幾多個記得，當初龍仔減持。